Kanthi kawontenan buku siswa Basa Jawa menika, kaangkah para siswa saged gampil anggenipun nampi piwucalan basa Jawi. Tumraping para guru, buku menika kaangkah saged kangge atur pambiyantu anggenipun mucal saha mekar ngrembakakaken basa Jawi lumantar pasinaon ing sekolah. Tudhonipun sansaya tuwuh ngrembakakaken profil pelajar pancasila ingkang wonten dhiri pribadhinipun para siswa.

Amrih panyinaoning basa Jawi boten uwal saking garis ingkang katemtokaken, inggih menika tujuan pembelajaran ingkang adhedhasar Capaian Pembelajaran mata pelajaran Bahasa Jawa. Wonten ing wiwitaning bab kaserat materi ugi kajangkepi kaliyan gladhengladhen ingkang saged nambah kawasisanipun para siswa anggenipun mahami bab menika. Ing pungkasaning wulangan kajangkepi kaliyan bausastra kanthi pangangkah kangge atur pasugatan babagan tetembungan ingkang angel salebeting bab menika. Buku siswa Basa Jawa menika ugi kajangkepi kaliyan soal-soal sumatif tengah semester gasal, soal-soal sumatif akhir semester gasal, soal-soal sumatif tengah semester genap, ugi soal-soal sumatif akhir semester genap.